اسلام آباد (قدرت روزنامہ)پاکستان شوبز انڈسٹری کی معروف اداکارہ عروہ حسین نے کہا کہ خاتون سب انسپکٹر میری روز نے طلاق کی بدنامی کی وجہ سے خودکشی کرکے اپنا جان لی۔
مائیکرو بلاگنگ سائٹ ٹوئٹر پر جاری کیے گئے ٹوئٹ میں عروہ حسین نے کہا کہ خاتون سب انسپکٹر میری روز نے پاکستان میں خودکشی کی اور جہاں تک مجھے اطلاعات موصول ہوئی ہیں، اُن کے مطابق خاتون کو طلاق دی جارہی تھی اور اس بدنامی کی وجہ سے اُنہوں نے خودکشی کی۔
عروہ حسین نے سوالیہ انداز میں کہا کہ کب ہم طلاق کو بدنام کرنے اور عورت کے اپنی مرضی سے جینے اور سانس لینے کے بنیادی حق کو روکیں گے؟اُنہوں نے کہا کہ ہم کیوں اس کے بارے میں بات نہیں کر رہے ہیں؟ ہمیں کس بات کا خوف ہے؟
واضح رہے کہ گزشتہ دنوں رحیم یار خان سے تعلق رکھنے والی سب انسپکٹر میری روز نے شوہر سے تنگ آکر زہریلی گولیاں کھاکر خودکشی کرلی تھی۔
پولیس کی ابتدائی تفتیش کے مطابق دونوں میں اکثر جھگڑا رہتا تھا، دونوں کی 2 بیٹیاں بھی ہیں۔سب انسپکٹر میری روز کے شوہر دلاور لاہور میں پولیس انسپکٹر ہیں۔
میری روز نے خودکشی قبل اپنی ڈریسنگ ٹیبل کے آئینے پر پیغام لکھا تھا جس میں اُنہوں نے اپنی والدہ سے مخاطب ہوتے ہوئے لکھا تھا کہ ’دعا کرنا میری جان سکون سے نکل جائے، میری بیٹیوں کی شادی کسی انسان سے کرنا جو ذمہ داری اٹھاسکے۔‘
اسلام آباد / کراچی(قدرت روزنامہ) تاریخی واقعے میں چین سے پاکستان کا پہلا سیٹلائٹ مشن…
ممبئی(قدرت روزنامہ)بالی ووڈ اسٹار گووندا کی بھانجی اور اداکارہ راگنی کھنہ نے اپنا ہندو مذہب…
لاہور(قدرت روزنامہ)لاہور ہائیکورٹ نے موٹروے پولیس سے بدتمیزی کرنے والی 2خواتین کی حفاظتی ضمانت منظور…
دبئی (قدرت روزنامہ )متحدہ عرب امارات کے نائب صدر اور وزیراعظم شیخ محمد بن راشد…
لاہور (قدرت روزنامہ)لاہور میں مشتعل ہجوم سے خاتون کی جان بچانے والی اسسٹنٹ سپرنٹنڈنٹ پولیس…
نئی دہلی(قدرت روزنامہ) مشہور زمانہ بھارتی ڈرامہ ‘تارک مہتا کا اُلٹا چشمہ’ میں روشن سنگھ…