کراچی: ٹرک کی ٹکر سے موٹر سائیکل سوار باپ اور 2 بیٹیاں جاں بحق

کراچی (قدرت روزنامہ)کراچی کی شارعِ فیصل پر عوامی مرکز کے قریب ٹریفک حادثہ پیش آیا ہے جس کے نتیجے میں2 بچیاں اور 1 شخص جاں بحق ہو گیا۔پولیس کا کہنا ہے کہ جاں بحق ہونے والے تینوں افراد موٹر سائیکل پر سوار تھے۔

ریسکیو ذرائع کے مطابق جاں بحق ہونے والوں میں باپ اور 2 بیٹیاں شامل ہیں، جن کی لاشوں کو اسپتال منتقل کر دیا گیا ہے۔پولیس کے مطابق حادثے کے ذمے دار ٹرک ڈرائیور کو گرفتار کر کے ٹرک کو تحویل میں لے لیا گیا ہے۔