عمران خان، ’سب سے پہلے تو آپ نے گھبرانا نہیں ہے‘ ، شوبز ستارے بھی میدان میں آگئے
اسلام آباد (قدرت روزنامہ)پاکستان فلم وٹی وی انڈسٹری کے نامور ستارے بھی وزیراعظم عمران خان کے ساتھ اظہارِ یکجہتی میں سامنے آگئے .
ہمایوں سعید
صف اول کے اداکار و پروڈیوسر ہمایوں سعید نے وزیر اعظم عمران خان کی بلیک اینڈ وائٹ تصویر شیئر کرتے ہوئے لکھا کہ عمران خان کا مداح اُس وقت سے ہوں جب وہ ایک اسپورٹس مین تھے اور اب بھی ان کی قیادت کا فین ہیں .
انہوں نے مزید کہا کہ میری خواہش اور دعا ہے کہ وزیر اعظم اپنی مدت پوری کریں، اللہ ان کو سلامت رکھے .
Have been a fan of @ImranKhanPTI since he was a sportsman and still an admirer of his leadership. I wish and pray that he completes his tenure. May Allah bless him #AmarBilMaroof @FaisalJavedKhan @fawadchaudhry pic.twitter.com/NIhqqDtg0k
— Humayun Saeed (@iamhumayunsaeed) March 26, 2022
بلال قریشی
پاکستان شوبز انڈسٹری کے معروف اداکار بلال قریشی نے وزیراعظم عمران خان کے ساتھ یکجہتی کا اظہارکرتے ہوئے اپنی انسٹا اسٹوری میں لکھا ہے کہ عمران خان، سب سے پہلے تو آپ نے گھبرانا نہیں ہے .
اُنہوں نے مزید لکھا کہ وہ 27 مارچ کو اپنے وزیراعظم کا ساتھ دینے کے لیے آرہے ہیں .
View this post on Instagram
عطا اللہ عیسی خیلوی
گلوکار عطا اللہ عیسی خیلوی نے وزیر اعظم عمران خان کے جلسے پر ویڈیو بیان جاری کیا ہے .
انہوں نے کہاکہ ستائیس مارچ کو سب عمران خان کے ساتھ کھڑے ہوں اور جلسے میں شرکت کریں، آج اگر ہم عمران خان کے ساتھ نہ کھڑے ہوئے تو ہماری نسلوں کو پچھتانا ہوگا .
فرحان علی آغا
اداکار فرحان علی آغا نے وزیرا عظم عمران خان کے لئے جاری کردہ اپنے پیغام میں کہاکہ عمران خان نے جو جنگ شروع کی وہ بظاہر تو سیاسی جنگ ہے لیکن یہ حق اور ایمان کی جنگ ہے .
انہوں نے کہاکہ اقتدار میں آنے کے بعد عمران خان اصل مسائل کا شکار ہوئے ہیں اور یہ راستہ مشکل ہے، ہم اور ہماری دعائیں وزیر اعظم عمران خان کے ساتھ ہیں .
حنا خواجہ
ڈرامہ انڈسٹری کی سینئر اداکارہ ، ماڈل اور میزبان حنا خواجہ نے انسٹاگرام پر ویڈیو شیئر کرتے ہوئے کہا کہ میں نے آج تک کبھی یہ نہیں چاہا کہ میں کسی کے بارے میں یا کسی کے لیے سخت الفاظ استعمال کروں لیکن مریم نواز صاحبہ آپ نے مجھے مجبور کردیا ہے کہ میں کہوں ’آپ کے منہ میں خاک . ‘
انہوں نے کہا کہ اللہ نہ کرے بقول آپ کے پاکستان کا طیارہ اس پرانے پاکستان میں اترے جیسا پاکستان آپ لوگوں نے اور آپ کی اتحادی جماعتوں نے بنادیا تھا . اللہ تعالیٰ ہمارے ملک کی حفاظت کرے ان دشمنوں سے جو ہمارے ملک کے اندر اور باہر بیٹھے ہیں .
حنا خواجہ نے کہا کہ اللہ تعالیٰ حفاظت کرے ہماری پاک افواج کی اور ان لیڈروں کی جو محب وطن ہیں، یہ ایک پاکستانی کی دلی دعا ہے، آمین .
View this post on Instagram
شان شاہد
نامور فلم اسٹار شان شاہد نےسوشل میڈیا پر وزیراعظم عمران خان کی تعریف کرتے ہوئے کہا کہ ہمارے لیڈر کو کوئی ہم سے نہیں چھین سکتا . سماجی رابطوں کی ویب سائٹ ٹوئٹر پرشان شاہد نے وزیراعظم عمران خان کے نام اپنے پیغام میں اظہارِ یکجہتی کرتے ہوئے لکھا کہ ہم آپ کے ساتھ کھڑے ہیں .
شئیر کردہ اپنے پیغام میں فلم اسٹار نے اپوزیشن سے مخاطب ہوتے ہوئے مزید لکھا کہ آپ پارلیمنٹ تو رکھ سکتے ہیں لیکن ہمارے لیڈر کو کبھی نہیں چھین سکتے .
#IstandwithImranKhan Pakistan has spoken they want only one leader to lead them to a brighter future of Pakistan. They have shown solidarity with @ImranKhanPTI you can keep your parliament but you can never take away our leader♥️💯🧿🇵🇰 pic.twitter.com/sRzGeFW8j0
— Shaan Shahid (@mshaanshahid) March 26, 2022
اس سے قبل گزشتہ دنوں بھی شان شاہد نے وزیراعظم عمران خان کے نام اپنے پیغام میں انھیں مخاطب کرتے ہوئے کہا کہ عمران خان آپ نے ہمیں کرپٹ افراد سے سوال کرنے کی ہمت دی، آپ نے ہمیں غلامانہ نیند میں سوئی ماضی کی حکومتوں کے خلاف جگایا ،آپ ہمارے دلوں میں رہنے والی امید ہیں . فلم اسٹار شان نے وزیراعظم کے مخالفین پر تنقید کرتے ہوئے مزید کہا کہ وہ آپ سے لڑتے ہوئے یہ نہیں جانتے ہیں کہ ہم سب آپ کے ہیں .
واضح رہے کہ اسلام آباد کے پریڈ گراؤنڈ میں پی ٹی آئی کے آج ہونے والے جلسے کی تیاریاں جاری ہیں . وزیراعظم عمران خان نے عوام سے جلد از جلد اسلام آباد پہنچنے کی اپیل کی ہے .
رات گئے اپنے آڈیو پیغام میں وزیراعظم عمران خان نے کہا کہ آج جو جلسہ ہورہا ہے، یہ تحریک انصاف کی نہیں، پاکستان کے مستقبل کی جنگ ہے .
. .