وسیم اکرم نے مظفرآباد کی گندگی شیئر کرکے کراچی والوں سے معذرت کرلی

مظفرآباد(قدرت روزنامہ) قومی کرکٹ ٹیم کے سابق کپتان وسیم اکرم نے کراچی والوں سے معذرت کرلی۔ سلطان آف سوئنگ وسیم اکرم نے سماجی رابطے کی ویب سائٹ ٹویٹر پر آزاد کشمیر کے دارلحکومت مظفرآباد کی گندگی شیئر کرتے ہوئے کراچی والوں سے معذرت کرلی۔ وسیم اکرم کشمیر پریمیئر لیگ (کے پی ایل) کے سلسلے میں مظفرآباد میں موجود ہیں جہاں انہوں نے دریائے نیلم پر اپنی ویڈیو بنائی جس میں انہوں نے دریا اور اس کے آس پاس موجود گندگی کے ڈھیر دکھائے۔

وسیم اکرم نے سوشل میڈیا پلیٹ فارم ٹویٹر پر شیئر کردہ ویڈیو میں کہا کہ ’ان کے عقب میں دریائے نیلم بہہ رہا ہے، میں یورپ یا سوئزرلینڈ میں نہیں ہوں بلکہ میں خوبصورت پاکستان میں موجود ہوں۔ انہوں نے کہا کہ اب میری کراچی والوں سے ایک معذرت بنتی ہے کیونکہ میں انہیں ہی گندا کہتا آیا ہوں اور میں سمجھتا تھا کہ ہم کراچی والے ہی زیادہ صفائی کا خیال نہیں رکھتے۔ وسیم اکرم نے کہا کہ اگر آپ میرے پیچھے دیکھیں تو خوبصورت دریا ہے لیکن ساتھ ہی گندگی کے ڈھیر بھی دیکھیں،صرف کراچی والے ہی نہیں بلکہ ہم سارے ہی بڑے گندے ہیں‘۔

Apologies to people of karachi . It appears we as a nation need to work collectively to make our country clean ,it’s our and only ours responsibility and duty so let’s give it a go . No more excuses. #cleanpakistan pic.twitter.com/Z2BMeKXUcE

— Wasim Akram (@wasimakramlive) August 7, 2021