” میں ڈائریکٹرز کی جنسی و غیر اخلاقی خواہشات پوری کرنے سے انکار کیا جس پر مجھے ۔۔‘اداکارہ نرگس فخری نے خاموشی توڑ دی

ممبئی(قدرت روزنامہ) معروف فلم ’ راک سٹار‘ سے کیریئر کا آغاز کرنے والی اداکارہ نرگس مشہور تو ہوئیں لیکن وہ بالی ووڈ میں اپنی جگہ پکی کرنے میں کامیاب نہ ہوئیں جس کی وجہ انہوں نے ڈائریکٹرز کی غیر اخلاقی و جنسی خواہشات کے آگے نہ جھکنے کو قرار دیاہے ۔

تفصیلات کے مطابق اداکارہ نرگس فخری کو بالی ووڈ میں اپنی خوبصورتی اور اداکاری کی وجہ سے کافی پسند کیا گیا تاہم وہ بالی ووڈ میں بہت زیادہ وقت نہ گزار سکیں۔نرگس فخری کہتی ہیں کہ انہیں بالی ووڈ کا حصہ رہنے کے لیے کئی مشکلات اور رکاوٹوں کا سامنا کرنا پڑا جن میں کاسٹنگ کاو¿چ بھی شامل ہے۔

نرگس فخری نے کہا کہ میں شہرت کی لالچی نہیں اور یہی وجہ ہے کہ میں نے ڈائریکٹرز کی غیر اخلاقی اور نامناسب خواہشات کو پورا کرنے سے صاف انکار کیا، ان خواہشات کو رد کرنے کی وجہ سے مجھے بالی ووڈ کے کئی بڑے پروجیکٹس سے ہاتھ دھونا پڑا۔اداکارہ نے کہا کہ میں ہمیشہ اپنی عزت اور وقار کی تلاش میں رہی جو بالی ووڈ میں مجھے کبھی کبھار ہی میسر آئی، اپنی اخلاقیات کو برقرار رکھنے کی عادت کے سبب مجھے کام سے روکا گیا، میں اپنے نظریے پر ثابت قدم رہی کیونکہ میرے لیے اخلاق بہت اہم چیز ہے۔نرگس فخری نے انٹرویو میں یہ بھی کہا کہ میں نے ماڈلنگ کی دنیا کی نسبت بالی ووڈ کو بہتر پایا، ماڈلنگ میں برہنہ فوٹو شوٹ کے لیے زور دیا جاتا ہے جو میرے لیے ناقابل قبول ہے۔