پشاور اور گردونواح میں زلزلے کے جھٹکے

پشاور(قدرت روزنامہ) صوبائی دارالحکومت پشاور اور گرد و نواح میں زلزلے کے جھٹکے محسوس کیے گئے ہیں ۔جی این این کے مطابق لوئر دیر ،تیمرگرہ شہر ،خال،واڑی اور گرد و نواح میں بھی زلزلے کے جھٹکے محسوس کیے گئے ، جبکہ بٹ خیلہ شہر اور گردونواح میں زلزلے کے جھٹکے محسوس کیے گئے ۔

زلزلے کے بعد شہریوں میں خوف کی لہر، کلمہ طیبہ کا ورد کرتے ہوئے گھروں سے باہر نکل آئے ۔ زلزلہ پیما مرکز کے مطابق زلزلے کی شدت ریکٹر اسکیل پر 5.1 ریکارڈ کی گئی جبکہ اس کی گہرائی 151کلومیٹر تھی ، زلزلے کامرکز کوہ ہندوکش تھا ۔