اگر آپ مکمل طور پر گوشت کھانا چھوڑ دیں تو آپ کو کیا کیا نقصانات ہوسکتے ہیں؟ جانیے

اسلام آباد (قدرت روزنامہ)سبزی انسانی صحت کے لیے بہت فائدے مند ہے لیکن اکثر لوگ مذہبی و اخلاقی وجوہات کی بنا پر گوشت کھانا چھوڑ دیتے ہیں یا پھر وہ سبزی زیادہ پسند کرتے ہیں مگر اچانک گوشت چھوڑنا بھی آپ کے جسم کے لیے بہت دباؤ کا باعث ہوتا ہے ۔
گوشت پروٹین کا ایک اہم ذریعہ ہے ،اگر آپ کی خوراک سے گوشت کو اچانک نکال دیا جائے تو آپ کا جسم بقاء کے موڈ میں جا کر جواب دے سکتا ہے۔
جب آپ اچانک گوشت کھانا بند کر دیتے ہیں تو ہو سکتا ہے کہ آپ کو آپ کا کھانا کم محسوس ہونے لگے کیونکہ آپ کے جسم کو اس اچانک غذائی تبدیلی کے مطابق ڈھالنے کے لیے وقت درکار ہوگا اور اگر آپ سبزی خور بننے کا فیصلہ کرتے ہیں تو چپس یا دیگر اسنیکس آپ کو اپنے پاس رکھنا ہوں گے۔

اس کے علاوہ اگر آپ بالکل صاف جلد کا خواب دیکھ رہے ہیں تو اچانک آپ کی خوراک سے گوشت کا نکل جانا ناخوشگوار حیرت کا باعث بن سکتا ہے۔سرخ گوشت امینو ایسڈز سے بھرپور ہوتا ہے جو کولیجن کی پیداوار کے لیے ضروری ہے اور ضروری غذائی اجزاء کافی مقدار میں نہ ملنے سے آپ کی جلد پھیکی لگ سکتی ہے۔
گوشت میں زنک ہوتا ہے اور زنک تو کئی سبزیوں میں بھی پایا جاتا ہے لیکن گوشت کے مقابلے میں کم مقدار کی وجہ سے آپ کی جلد متاثر ہوسکتی ہے اور آپ کے چہرے پر مہاسے نکل سکتے ہیں یا پھٹ بھی سکتی ہے۔

گوشت چھوڑنے سے آپ کو باقاعدگی سے کافی زنک نہیں مل رہا ہوتا تو یہ آپ کے بالوں کو متاثر بھی کرسکتا ہے اور بالوں کے گرنے کا باعث بھی بن سکتا ہے۔
اگر آپ گوشت کھانا بند کرنے کے لیے پرعزم ہیں تو یقینی بنائیں کہ آپ تجویز کردہ مقدار سے 50 فیصد زیادہ زنک استعمال کریں۔

سبزیاں کھانے سے آپ کی آنت کو یقینی طور پر فائدہ ہوگا لیکن اچانک گوشت چھوڑنے سے آپ کے پیٹ میں موجود بیکٹیریا پریشان ہوسکتے ہیں کیونکہ جب آپ اپنی خوراک میں ڈرامائی طور پر تبدیلی کرتے ہیں اور ایسی غذائیں کھانا شروع کر دیتے ہیں جو آپ کی عادت سے مختلف ہوتے ہیں تو یہ پیٹ میں درد اور بدہضمی کا سبب بن سکتا ہے۔