شیشپر گلیشئر جھیل کی تباہ کاری کے 3 دن بعد بحالی کا کام شروع

ہنزہ (قدرت روزنامہ)شیشپر گلیشئر جھیل کی تباہ کاری کے تین دن بعد بحالی کا کام شروع کر دیا گیا ہے . ڈپٹی کمشنر ہنزہ عثمان علی کا کہنا ہے کہ منہدم پل کے پاس مشینری پہنچا دی گئی ہے، 2مقامات پر کام جاری ہے .

ڈی سی ہنزہ نے بتایا کہ دو روز میں پیدل آمد ورفت کے لیے پل بنایا جائے گا . دوسری جانب ہنزہ وادی میں آج بھی موسم صاف اور گرم ہے، شیشپر گلیشئر جھیل کی تباہ کاری کے تین دن بعد بحالی کا کام شروع کر دیا گیا ہے .
واضح رہے کہ ہنزہ کےعلاقےحسن آباد میں شیشپر گلیشئر گرمی کی شدت سے پگھل جانے پر وہاں بننے والی جھیل سے پانی کا بے پناہ اخراج شروع ہوا . علاقے میں سیلابی صورتحال پیدا ہوجانے کے سبب حسن آباد کا مرکزی پل ٹوٹ کر سیلابی نالے میں بہہ گیا جس کے سبب شاہراہ قراقرم بند ہوگئی .