فنکار برادری کا ارشد ندیم سے اظہارِ تشکر
اسلام آباد (قدرت روزنامہ)ٹوکیو اولمپکس میں پاکستان کی نمائندگی کرنے والے ارشد ندیم گزشتہ روز تمغہ تو نہ جیت سکے مگر پوری قوم کے دل جیت جیتنے میں کامیاب ضرور ہوئے ہیں .
گزشتہ روز ارشد ندیم تمغے کی دوڑ سے باہر نکل گئے جبکہ اُن کے مدِ مقابل بھارتی کھلاڑی نے یہ مقابلہ جیت لیا .
واضح رہے کہ ٹوکیو اولمپکس میں گزشتہ روز بھارت کے نیرج چوپڑا نے گولڈ میڈل جیت لیا جبکہ پاکستان کے ارشد ندیم پانچویں پوزیشن پر رہے .
دونوں ایتھلیٹس ہم عمر سہی، دونوں کا تعلق پڑوسی ملکوں سے سہی، لیکن دونوں کو ملنے والی سہولتوں میں زمین آسمان کا فرق ہے . . .
ارشد ندیم اولمپکس میں کسی سپورٹ کے بغیر، بھرپور محنت، لگن اور اپنے بل بوتے پر فائنل راؤنڈ میں پہنچے . ارشد ندیم کی اپنی مدد آپ کے تحت یہاں تک پہنچنے اور پاکستان کے لیے سونے کا تمغہ جیتنے کی خواہش نے جہاں پاکستان کے عام عوام کو اپنا گرویدہ بنایا ہے، وہیں ارشد ندیم نے پاکستانی شوبز ستاروں اور کھلاڑیوں کو بھی اپنی صلاحیتوں اور بلند حوصلوں پر داد دینے پر مجبور کر دیا ہے .
کل سے انٹر نیٹ پر ارشد ندیم کے چرچے ہیں اور اُن کی حوصلہ افزائی کے لیے معروف شخصیات بڑھ چڑھ کر حصہ لے رہی ہیں . ان معروف شخصیات کی جانب سے سوشل میڈیا کے ہر پلیٹ فارم، انسٹا گرام اور ٹوئٹر کا استعمال کرتے ہوئے ارشد ندیم کو قوم کا فخر قرار دیا جا رہا ہے اور اُن کا شکریہ بھی ادا کیا جا رہا ہے .#ArshadNadeem we are so so so proud of you! 🇵🇰♥️ #Tokyo2020 #Olympics
— Asim Azhar (@AsimAzharr) August 7, 2021
ارشدندیم کی بھر پور حمایت اور انہیں یہاں تک پہنچنے کے لیے مبارک باد دینے والوں میں قومی کھلاڑی حسن علی، اداکار عمران اشرف، یاسر حسین، گلوکار عاصم اظہر اور فخرِ عالم سمیت متعدد نام سرِ فہرست ہیں .ارشد ندیم سر. آپ جیت گئے ہیں... تمغہ نہ سہی.... قوم کی پگڑی جیت کر آئے ہیں آپکا شُکریہ #thankyouarshadnadeem pic.twitter.com/Z3FbozilUL
— Imran Ashraf (@IamImranAshraf) August 7, 2021
واضح رہے کہ ٹوکیو اولمپکس میں گزشتہ روز بھارت کے نیرج چوپڑا نے گولڈ میڈل جیت لیا جبکہ پاکستان کے ارشد ندیم پانچویں پوزیشن پر رہے .
دونوں ایتھلیٹس ہم عمر سہی، دونوں کا تعلق پڑوسی ملکوں سے سہی، لیکن دونوں کو ملنے والی سہولتوں میں زمین آسمان کا فرق ہے . . . 