دوستوں کے ساتھ رومانوی مناظر فلم بند کرانے میں زیادہ بہتر محسوس کرتی ہوں، ہانیہ عامر

اسلام آباد (قدرت روزنامہ)اس بات کا انکشاف انہوں نے ایک نجی ٹی وی کو دیئے جانے والے انٹرویوکے دوران کیا . ہانیہ عامر اور علی رحمان کانام پاکستانی ڈرامہ اور فلم انڈسٹری میں کسی تعرف کا محتاج نہیں دونوں ہی نہ صرف بہترین ماڈل ہونے کے ساتھ باصلاحیت اداکار ہیں .

ہانیہ عامر اور علی رحمان خان نے سب سے پہلے فلم جانان میں ایک ساتھ کام کیا جہاں ان کی جوڑی کو مداحوں کی جانب سے کافی پسند کیاگیا .
تاہم یہ خوبصورت جوڑی دوبارہ فلم پردے میں رہنے دومیں ایک ساتھ جلوہ گر ہوئی جہاں فلم کی کہانی اور ان کی اداکاری کو بے حد سراہا جارہا ہے .
ہانیہ عامر اور علی رحمان خان نے فلم کی کہانی اور اور اس کی تشہر کے حوالے سے ایک انٹرویو کے دوران کئی رازوں پر سے پردہ اٹھایا .

ہانیہ عامر کا کہنا تھا میں علی رحمان کو کافی عرصے سے جانتی ہوں ہم بہت اچھے دوست ہیں جہاں تک بات ہے اس فلم کی کہانی کی تو یہ ایک ایسا موضوع ہے جس پر بہت کم بات کی جاتی ہے لہذا اس فلم کے ذریعے اس پر روشنی ڈالی گئی ہے .

رومانوی سین کی فلبندی کےحوالے ہانیہ عامر کا کہناتھا کہ دوستوں کے ساتھ اس طرح مناظر کو عکس بند کرانے میں زیادہ بہتر محسوس کرتی ہیں نہ کہ کسی اجنبی شخص کے ساتھ .

جبکہ اس فلم کی تشہیر کے لئے ایک نہات مضحکہ خیز طریقہ اپنایا گیا جس میں ہانیہ عامر اور علی رحمان ڈھول کے ساتھ رات میں کسی بھی اجنبی مہندی کی تقریب کو تلاش کر رہے تھے جہاں وہ اچانک اس میں داخل ہوکر سب کو حیران کردیں . اس حوالے سے انہیں ایک مہندی کی تقریب نظر آئی اور وہ وہاں ڈھول کے شور کرتے ہوئے داخل ہوگئے لوگ انہیں دیکھ پہلے تو حیران ہوئے پھر انہوں نے اپنی آنے فلم کی تشہر کی اس طرح یہ فلم پردے میں رہنے دو کی تشہرکے لئے یہ انوکھا انداز اپنایا .

. .
Ad
متعلقہ خبریں