باکسر عامر خان نے پروفیشنل باکسنگ سے ریٹائرمنٹ کا اعلان کر دیا

اسلام آباد (قدرت روزنامہ)پاکستانی نژاد برطانوی لیجنڈ باکسر عامر خان نے 35 سال کی عمر میں پروفیشنل باکسنگ سے رٹائرمنٹ کا اعلان کر دیا۔
باکسر عامر خان نے آج سماجی رابطے کی ویب سائٹ ٹوئٹر پر ایک پوسٹ میں اپنی رٹائرمنٹ کا اعلان کرتے ہوئے لکھا کہ اب دستانے لٹکانے کا وقت آ گیا ہے۔

It’s time to hang up my gloves.
I feel blessed to have had such an amazing career that has spanned over 27 years.
I want to say a heartfelt thanks and to the incredible teams I have worked with and to my family, friends and fans for the love and support they have shown me. pic.twitter.com/VTk0oxVjp2

— Amir Khan (@amirkingkhan) May 13, 2022

عامر خان نے 17 سال کی عمر میں 2004 کے ایتھنز اولمپک گیمز میں چاندی کا تمغہ حاصل کر کے سب کو حیران کر دیا تھا، انیوں نے 2009 میں یوکرین کے اینڈری کوٹلنک کو شکست دے کر آئی بی ایف لائٹ ویلٹر کا خطاب اپنے نام کیا تھا۔عامر خان نے ورلڈ باکسنگ ایمیچر کا ٹائٹل 2011 میں اپنے نام کیا تھا۔
عامر خان مجموعی طور پر 40 فائٹس کے لئے باکسنگ رنگ میں داخل ہوئے جن میں سے 34 فائٹ اپنے نام کی اور 6 میں شکست کا منہ دیکھنا پڑا، عامر خان نے 2005 پروفیشنل باکسنگ کو اپنایا۔اپنی رٹائرمنٹ کا اعلان کرتے ہوئے عامر خان نے کہا کہ میں خود کو خوش قسمت سمجھتا ہوں کہ مجھے ایسا حیرت انگیز کیریئر ملا ہے جو 27 سال پر محیط ہے۔
عامر نے مزید کہا کہ میں دل کی گہرائیوں سے شکریہ ادا کرنا چاہتا ہوں اور ان ناقابل یقین ٹیموں کا جن کے ساتھ میں نے کام کیا ہے اور اپنے خاندان، دوستوں اور مداحوں کا اس محبت اور حمایت کے لیے جو انہوں نے مجھے دکھایا ہے۔
عامرخان کی آخری لڑائی طویل المدتی حریف کیل بروک کے خلاف تھی جہاں انہیں فروری میں مانچسٹر میں چھٹے راؤنڈ میں رکنے کا سامنا کرنا پڑا۔گزشتہ ہفتے بروک کے ریٹائر ہونے کے بعد 35 سالہ برطانوی باکسر تازہ ترین برطانوی باکسر بن گیا جب کہ ٹائیسن فیوری کا کہنا ہے کہ اس نے گزشتہ ماہ ڈیلین وائیٹ کو شکست دینے کے بعد اس کھیل کو خیرباد کہہ دیا ہے۔