حلیم عادل شیخ کو چاہیئے زمین پر قبضہ، بھتہ خوری چھوڑ دیں: ناصر حسین شاہ

اسلام آباد (قدرت روزنامہ)وزیرِ بلدیات سندھ ناصرحسین شاہ کا کہنا ہے کہ حلیم عادل شیخ آئی جی سندھ پر اس لیے تنقید کرتے ہیں کہ خود ان کے ہاتھ صاف نہیں، انہیں چاہیئے کہ لینڈ گریبنگ، بھتہ خوری چھوڑ دیں، سکون آ جائے گا۔جاری کیئے گئے ایک بیان میں وزیرِ بلدیات سندھ ناصر شاہ نے کہا ہے کہ شہباز گل سندھ میں پی ٹی آئی کے جھنڈے گاڑنے کی بات کرتے ہیں۔

انہوں نے کہا کہ پی ٹی آئی کا تو کے پی اور پنجاب سے بھی جھنڈا اکھڑ رہا ہے، پی ٹی آئی نے تو اپنے علاقوں میں بلدیاتی نظام چلنے ہی نہیں دیا۔

ناصر حسین شاہ نے مزید کہا کہ اب مسترد ہونے کے بعد مصطفیٰ کمال کو بھی مہاجروں کے حقوق یاد آ گئے، مصطفیٰ کمال کو معلوم ہونا چاہیئے کہ یہ مہاجر نہیں اردو بولنے والے سندھی ہیں۔

انہوں نے یہ بھی کہا کہ ہم پہلے ہی سمجھتے تھے کہ پاک سر زمین پارٹی اور ایم کیو ایم ایک ہی ہیں، مصطفیٰ کمال مگرمچھ کے آنسوؤں کے بعد اب نفرت کی سیاست پر آگئے ہیں۔۔