نوجوان پاکستانی کوہ پیما نے 8 ہزار میٹر سے اونچی چھٹی چوٹی سرکرلی

اسلام آباد (قدرت روزنامہ)نوجوان پاکستانی کوہ پیما شہروز کاشف نے 8 ہزار میٹر سے اونچی چھٹی چوٹی کو سرکرلیا ہے . خبر رساں ادارے کی رپورٹ کے مطابق پاکستان کے 20 سالہ کوہ پیما شہروز کاشف نے 8 ہزار 516 میٹر اونچی چوٹی ماؤنٹ لوٹسے کو سر کرلیا ہے جس کی تصدیق ان کی ٹیم نے کی ہے .

رپورٹ کے مطابق نوجوان نے 8 ہزار میٹر سے اونچی یہ چھٹی چوٹی سر کی ہے جبکہ اس سے قبل انہوں نے براڈ پیک، ماؤنٹ ایوریسٹ، مناسلو، کنچن اور کے ٹو کو بھی سر کیا ہے .
لوٹسے کو سر کرنے کے بعد شہروز کاشف 8 ہزار میٹر سے اونچی 6 چوٹیاں سر کرنے والے چوتھے پاکستانی بن گئے ہیں .
اس سے قبل پاکستانی کوہ پیما محمد علی سدپارہ اور ان کے بیٹے حسن سدپارہ سمیت سرباز علی بھی 8 ہزار میٹر سے اونچی 6 چوٹیوں کو سر کرچکے ہیں .
یہ بھی پڑھیں: پاکستانی کم عمر کوہ پیما شہروزکاشف نے ایک اور چوٹی سرکرلی
رپورٹ میں مزید کہا گیا ہے کہ اس چوٹی کو سر کرنے کے بعد شہروز کاشف دنیا کی پانچویں بلند ترین چوٹی مکالو کو سر کرنے کا ارادہ رکھتے ہیں .