حسن احمد نے ایمن اور منیب سے معافی مانگ لی، مگر کس بات پر؟
اسلام آباد (قدرت روزنامہ)حسن احمد اورسنیتا مارشل کی جوڑی کا شمار پاکستانی شو بز انڈسٹری کی خوبصورت ترین جوڑیوں میں ہوتا ہے، دونوں پاکستان کے ناموراداکار ہیں، ان دونوں نے بہت کم ڈراموں میں کام کیا اوراپنی بہترین اداکاری سے لوگوں کے دلوں میں اپنا ایک خاص مقام بنانے میں کامیاب رہے .
حال ہی میں ان دونوں کو ایک ٹی وی شو میں بطور کپل کے مدعو کیا گیا، جہاں میزبان نے اس شو کے ایک سیگمینٹ جس میں پاکستانی شوبزانڈسٹری سے تعلق رکھنے والوں کے بارے میں سوالوں کے فوری جوابات دینے تھے تو حسن نے اس میں کچھ متنازعہ بیان دیئے جس میں ایک سوال یہ تھا وہ کونسے اداکار ہیں جنہیں گلوکاری نہیں کرنی چاہئے تاہم حسن نے کہا کہ کچھ گلوکاروں کو اداکاری نہیں کرنی چاہئے جیسے آذان سمیع خان جو بہت اچھے کمپوزرہیں اور سنگر ہیں لیکن وہ اداکاری کے لئے موزوں نہیں ہے .
View this post on Instagram
جبکہ ان سے دوسرا سوال یہ تھا کہ آپ کی نظر میں کس اداکار کے فالوورز کے بارے آپ کو شک ہے کہ وہ بہت زیادہ ہیں اس میں کچھ توغلط ہے تو انہوں نے ایمن اور منیب کا نام لیا اورکہا کہ ان کو ایسا لگتا ہے ان کے فالوورز ان آرگینک ہیں .
View this post on Instagram
حسن احمد کے ان بیانات کے بعد سوشل میڈیا پر شوکا یہ کلپ وائرل ہوگیا جس کے بعد حسن احمد نے اپنے ویڈیوبیان میں ایمن اورمنیب کے ساتھ آذان سمیع خان سے بھی معافی مانگ لی ہے اور کہا کہ وہ اپنا دفاع نہیں کریں گے اور نہ ہی چاہتے ہیں بلکہ وہ مافی مانگتے ہیں اوراپنے الفاظ واپس لیتے ہیں وہ کون ہوتے ہیں کسی کے بارے میں رائے دینے والے .
