ننکانہ صاحب، باپ نے بیٹی کے سامنے بیوی کوکلہاڑی کے وار سے قتل کردیا، ملزم گرفتار
دونوں میاں بیوی کی بچوں کے معاملے پر لڑائی ہوئی جس کے بعد مقتولہ کچھ دن پہلے ناراض ہو کر بچوں سمیت ان کے گھر بہاری پور آ گئیں . جمعے کی رات خالد ان کے گھر آئے اور قرآن پر ہاتھ رکھ کر حلف اٹھایا کہ وہ آئندہ کبھی اپنی بیوی پر ہاتھ نہیں اٹھائیں گے اور اپنی بیوی بچوں کو ساتھ لے کر جانے کا کہا . یاسین نے بتایا کہ چونکہ دونوں میاں بیوی میں لڑائی ہو چکی تھی لہٰذا وہ احتیاطاً ایک دو رشتے داروں کو لے کر ساتھ چلے گئے تاکہ کہیں پھر کوئی جھگڑا نہ ہو جائے . رات دو بجے کے قریب شور کی آواز آئی تو ہم نیچے بھاگے . دیکھا تو خالد میری بہن پر پے درپے کلہاڑی سے وار کر رہے تھے . شدید زخموں کی وجہ سے میری بہن موقعے پر دم توڑ گئیں جبکہ خالد ہمیں دیکھ کر موقعے سے فرار ہو گیا . یاسین نے مزید بتایا کہ جب خالد ان کی بہن پر کلہاڑی کے وار کر رہے تھے تو اس وقت ان کی 14 سالہ بیٹی سکتے کے عالم میں وہیں کھڑی تھی، بچی کے حواس اب تک بحال نہیں ہو سکے، وہ بچوں کو اپنے ساتھ گھر لے آئے ہیں جبکہ مقتولہ کی تدفین کر دی گئی ہے . . .
