اس بار عمران خان نے کال دی تو آزادی مارچ میں خیبرپختونخوا فورس کو استعمال کریں گے، محمود خان کا بڑا اعلان

پشاور (قدرت روزنامہ) وزیر اعلیٰ خیبرپختونخوا محمود خان نے پشاور میں وکلاء کنونشن سے خطاب کرتے ہوئے کہا کہ اگر اس بار عمران خان نے کال دی تو آزادی مارچ میں خیبرپختونخوا کی فورس کو استعمال کریں گے۔ان کا کہنا تھا کہ وزیر داخلہ رانا ثناء اللہ کے خلاف 302 کا مقدمہ درج کرائیں گے، محمود خان نے خطاب کرتے ہوئے کہا کہ امپورٹڈ حکومت نے جو کیا ان سے ضرور بدلہ لیں گے، انہوں نے حکومت کے خلاف سپریم کورٹ جانے کا اعلان کر دیا۔