عمران خان کا کل ملک گیر احتجاج کا اعلان
اسلام آباد (قدرت روزنامہ)سابق وزیر اعظم اور پاکستان تحریک انصاف (پی ٹی آئی) کے چیئرمین عمران خان نے کل ملک گیر احتجاج کا اعلان کیا ہے۔پی ٹی آئی کے آفیشل اکاؤنٹ پر فرخ حبیب کا ویڈیو بیان جاری کیا گیا ہے، جس میں ان کا کہنا ہے کہ چیئرمین عمران خان کی ہدایت پر ملک میں بڑھتی ہوئی مہنگائی اور لوڈشیڈنگ کیخلاف کل بروز جمعہ ملک گیر احتجاج کیا جائے گا۔
انہوں نے یہ بھی کہا کہ موجودہ حکومت کی نااہلی اور غلط پالیسیوں کے باعث لوڈشیڈنگ اور مہنگائی میں اضافہ ہوتا جارہا ہے جس سے عوام کو شدید مشکلات کا سامنا ہے۔
چئیرمین عمران خان کی ہدایات پر ملک میں بڑھتی ہوئی مہنگائی اور لوڈشیڈنگ کیخلاف کل بروز جمعہ ملک گیر احتجاج کیاجائے گا۔
موجودہ #امپورٹڈ_حکومت_نامنظور کی نااہلی اورغلط پالیسیوں کے باعث لوڈشیڈنگ اور مہنگائی میں اضافہ ہوتاجارہاہے جس سےعوام کو شدیدمشکلات کاسامنا ہے۔ @FarrukhHabibISF pic.twitter.com/BhNpX5yceb— PTI (@PTIofficial) June 2, 2022
ان کا یہ بھی کہنا تھا کہ ’امپورٹڈ حکومت‘ سے مہنگائی کنٹرول نہیں ہورہی، ان کے دور حکومت میں مہنگائی کے تمام ریکارڈ ٹوٹ گئے ہیں۔
فرخ حبیب نے کہا کہ 8 سے 12 گھنٹوں کی ملک گیر لوڈشیڈنگ ہورہی ہے، یہ اِن کی نااہلی کا ثبوت ہے کہ وہ پاور پلانٹس چلا نہیں پارہے۔پی ٹی آئی رہنما نے کہا کہ ہمارے دور میں کسی قسم کی لوڈشیڈنگ نہیں تھی۔