’عمران خان پاکستان کی معیشت کو خطرے میں ڈال رہے ہیں‘

لندن(قدرت روزنامہ)دی اکنامسٹ کا کہنا ہے کہ سابق وزیر اعظم عمران خان پاکستان کی معیشت کو خطرے میں ڈال رہے ہیں ۔

اکنامسٹ کی رپورٹ کے مطابق ، عمران خان معیشت کو سدھارنے کے عمل کو خطرے میں ڈال رہے ہیں کیونکہ وہ حکومت کو دھمکیاں دے رہے ہیں ۔ جس سے حکمرانوں کی توجہ اہم امور سے ہٹ رہی ہے ۔

رپورٹ میں کہا گیا ہے کہ پاکستانی معیشت بحرانوں کا شکار ہے ۔ قرضے لے کر ایسے منصوبے لگائے گئے جن سے کم فائدہ مل رہا ہے ۔ پاکستان کو عالمی ادائیگیوں میں مسائل درپیش ہیں ۔

رپورٹ کے مطابق ، شہباز حکومت معاشی فیصلوں کے حوالے سے اہم اقدامات کر رہی ہے ۔ ایسے حالات میں پارلیمنٹ تحلیل کرنے سے معاشی اصلاحاتی عمل کو جھٹکا لگ سکتا ہے ۔

دوسری جانب ، بڑھتی ہوئی مہنگائی اور گورنمنٹ بونڈز کی شرح سود میں مسلسل اضافے کے باعث حصص بازار مندی کا شکار رہا ۔ جس کے باعث سرمایہ کاروں کے 192 ارب روپے ڈوب گئے ۔

موجودہ معاشی بحران سے اسٹاک مارکیٹ کے سرمایہ کار گھبراہٹ کا شکار ہو گئے ۔ مہنگائی میں مسلسل اضافے نے سرمایہ کاروں کو کیپٹل مارکیٹ سے نکالنے پر مجبور کر دیا ۔

رواں ہفتے کے دوران حصص بازار مندی کا شکار رہا ، ہنڈرڈ انڈیکس میں ایک ہزار پانچ سو سینتالیس پوائنٹس کی کمی آئی جس کے باعث سرمایہ کاروں کے 190 ارب روپے ڈوب گئے ۔

انویسٹرز محفوظ سرمایہ کاری کے لئے سرکاری بونڈز میں دلچسپی لے رہے ہیں ۔ اس طرح شیئرز مارکیٹ سے پیسہ نکل کر بینکوں میں جا رہا ہے ۔