کراچی سے پشاور جانے والے طیارے کو دورانِ پرواز حادثہ ، مسافروں کی چیخ و پکار

کراچی (قدرت روزنامہ) کراچی سے پشاور جانے والا طیارہ دوران پرواز خراب موسم کی زد میں آگیا ، جس کے باعث طیارے میں موجود مسافر چیخنے لگے . تفصیلات کے مطابق کراچی سے پشاور جانیوالی نجی ایئرلائن کا طیارہ بڑے حادثے سے بچ گیا، دوران پرواز اچانک موسم خراب ہوا اور طیارہ خراب موسم کی زد میں آگیا .

ایئر بلیو کی پرواز 602 خراب موسم کی وجہ سے پرواز ناہموار ہوگئی ، پرواز ناہموار ہونے کی وجہ سے طیارے میں موجود مسافروں میں خوف و ہراس پھیل گیا اور چیخ و پکار مچ گئی . کپتان نے حاضر دماغی اورمہارت کا مظاہرہ کرتے ہوئے طیارے کو گو راونڈ کرتے ہوئے بلندی پر لے گیا .
کپتان نے پشاور ایئرپورٹ کے قریب ایئر ٹریفک کنٹرولر سے رابطہ کرتے ہوئے فوری لینڈنگ کی اجازت طلب کی اور طیارے کو باحفاظت پشاور ایئرپورٹ اتار لیا، ذرائع نے بتایا کہ واقع گذشتہ روز پیش آیا تھا .