پوجا ہیگڑے کیساتھ بھارتی فضائی کمپنی کے اسٹاف کا نامناسب رویہ؛ اداکارہ برس پڑیں
اسلام آباد (قدرت روزنامہ)تامل، تیلگو اور ہندی فلم انڈسٹری کی معروفاداکارہ پوجا ہیگڑے نے نامناسب رویہ اختیار کرنے پر بھارتی فضائی کمپنی انڈی گو کے ایک اسٹاف ممبر کی شکایت کردی۔
انڈیا ٹوڈے کے مطابق اداکارہ نے اپنے ایک ٹوئٹ میں کہا کہ انڈی گو کا ایک اسٹاف ممبر جس کا نام ویپل ناکشے تھا ، اس کی بدتمیزی پر انتہائی افسوس ہوا۔
Extremely sad with how rude @IndiGo6E staff member, by the name of Vipul Nakashe behaved with us today on our flight out from Mumbai.Absolutely arrogant, ignorant and threatening tone used with us for no reason.Normally I don’t tweet abt these issues, but this was truly appalling
— Pooja Hegde (@hegdepooja) June 9, 2022
انہوں نے بتایا کہ ویپل ناکشے نے انتہائی مغرور، جاہلانہ اور دھمکی آمیز لہجے میں ہم سے بات کی۔اداکارہ کا کہنا تھا کہ عام طور پر میں اس طرح کے مسائل پر ٹوئٹ نہیں کرتی ہوں لیکن یہ واقعہ حقیقتاً انتہائی ہتک آمیز تھا۔
رپورٹ کے مطابق پوجا ہیگڑے کے ٹوئٹ پر فضائی کمپنی نے ردعمل دیتے ہوئے معذرت کی اور کہا کہ مس ہیگڑے، ہم اس ناخوشگوار تجربے پر معافی چاہتے ہیں، برائے مہربانی آپ اپنا پی این آر اور رابطہ نمبر میسج میں بھیج دیں۔
Ms. Hegde, sorry to note your experience. We’d like to connect with you immediately hence, please DM us your PNR along with the contact number. ~Linda https://t.co/xcJPAifuBc
— IndiGo (@IndiGo6E) June 9, 2022
یاد رہے کہ پوجا ہیگڑے نے رواں سال کانز فلم فیسٹیول میں شرکت کی جبکہ وہ 18مئی کو ٹاپ گن میورک پریمیئر میں ریڈ کارپٹ پر بھی آئی تھیں۔
