فلمساز نے اداکارہ مہک نور کیخلاف شکایت درج کروادی

لاہور (قدرت روزنامہ)فلمساز شیخ اکرم نے اداکارہ مہک نور کے خلاف پولیس اسٹیشن میں ایک شکایت درج کروادی ہے . شیخ اکرم نے درخواست میں یہ دعویٰ کیا ہے کہ مہک نور نے 2 لاکھ 25 ہزار روپے میں ان کی فلم کا کام مکمل کروانے کا معاہدہ کیا تھا .

انہوں نے مہک نور پر الزام عائد کیا کہ اداکارہ نے 1لاکھ 25 ہزار روپے وصول کرنے کے بعد فلم کو ادھورا چھوڑ دیا . فلمساز کا یہ بھی کہنا ہے کہ مہک کے منیجر اُنہیں فون پر جان سے مارنے کی دھمکیاں دے رہے ہیں .
شیخ اکرم کی جانب سے دائر کی گئی درخواست میں یہ بھی کہا گیا ہے کہ اداکارہ کے فلم کی بقیہ شوٹنگ میں حصّہ نہ لینے کی وجہ سے انہیں 6 لاکھ روپے کا نقصان ہوا ہے .
اُنہوں نے درخواست کی کہ مہک سے کہا جائے کہ وہ ان کی فلم کا کام مکمل کروائیں اور اُنہیں ہونے والےنقصان کی تلافی کریں . یہ درخواست تھانہ قلعہ گجر سنگھ، لاہور میں درج کروائی گئی ہے .