حکومت نے غلامی کا طوق پہن لیا ہے، فرخ حبیب

اسلام آباد (قدرت روزنامہ)پی ٹی آئی رہنما فرخ حبیب نے کہا کہ اس امپورٹڈ حکومت نے غلامی کا طوق پہن لیا ہے اور عوام کے اوپر مہنگے پیٹرول کا بم گرا رہی ہے ۔
فرخ حبیب نے کہا کہ پچھلے ایک مہینے میں پیٹرول کی قیمت میں 100 روپے کا اضافہ کیا ہے جس کی وجہ سے عام آدمی پریشان ہے کہاں سے اخراجات پورے کریں۔
انہوں نے کہا کہ میں سمجھتا ہوں یہ جلسہ واحد حل ہے عوام باہر نکلیں کیونکہ یہ امپورٹڈ حکومت کے خلاف احتجاجی جلسہ ہے جس میں عمران خان عوام کی ریلی کی قیادت کرتےہوئےپریڈگراؤنڈ پہنچیں گے۔

IMF نے #امپورٹڈ_حکومت_نامنظور کی دم پر پاؤں رکھ دیا ہے نالائق اعظم شہباز شریف نے عوام دشمنی میں IMF کی ساری شرائط مان لی جس سے مہنگائی اور معشیت تباہ ہوگئی ہے لیکن اب اس شرط کو بھی مان لے جس میں معاہدہ سے پہلے IMF احتساب کے عمل کو مضبوط کرنے کا کہہ رہا ہے مطلب NRO 2 کا خاتمہ۔ pic.twitter.com/mPqGXPAgqf

— Farrukh Habib (@FarrukhHabibISF) July 2, 2022

انہوں نے مزید کہا کہ پچھلے 3 ماہ سے نالائق وزیراعظم شہبازشریف نے تباہی مچائی ہوئی ہے لیکن اس تباہی سے عوام کا کوئی شعبہ محفوظ نہیں ہے ۔
فرخ حبیب نے کہا کہ صنعتیں بندہورہی ہیں، مزدور طبقہ بیروزگار ہورہا ہے اور مہنگائی کی وجہ سے عام آدمی فاقے کرنے پر مجبور ہے۔