باندرہ (قدرت روزنامہ)بولی وُڈ کے بادشاہ شاہ رخ خان کی بیٹی سہانا خان کو پیر کی سہ پہر ممبئی کے علاقے باندرہ میں واقع ایک سیلون کے باہر دیکھا گیا . سوشل میڈیا پر اس دن کے حوالے سے اسٹار کِڈ کی کئی تصاویر اور ویڈیوز شیئر کی گئی ہیں .
انسٹاگرام پر پیپارازیوں کی جانب سے شیئر کی گئی ایک ویڈیو میں سُہانا کو سیلون کے اندر جاتے دیکھا جا سکتا ہے . انہوں نے گرے پینٹ، بلیک ٹینک ٹاپ اور جیکٹ پہن رکھی تھی .
سُہانا ایک سفید سائڈ بیگ لیے اور سن گلاسز لگائے کسی ڈیوا سے کم نہیں لگ رہی تھیں . لیکن بد قسمتی سے جب وہ اپنی گاڑی سے باہر نکلیں تو ان کا پاؤں ایک گڑھے میں پڑا وہ تقریباً گرتے گرتے بچیں .
View this post on Instagram
واضح رہے کہ شاہ رخ خان کی بیٹی سہانا جلد ہی زویا اختر کی نیٹ فلکس فلم ‘دی آرچیز’ میں نظر آئیں گے .
ان کی ساتھی اداکارہ خوشی کپور کو بھی سیلون میں ان کے ساتھ دیکھا گیا تھا . ‘دی آرچیز’ میں اگستیہ نندا، ویدانگ رائنہ اور مہر آہوجا بھی شامل ہیں .
نیٹ فلکس نے اس پروجیکٹ کے لیے آرچی کامکس کے ساتھ شراکت کی ہے، جسے زویا اختر اور ان کی دیرینہ ساتھی ریما کاگتی پروڈیوس کر رہی ہیں . ‘The Archies’ 2023 میں Netflix پر ریلیز ہوگی .