عمران خان نے اقوام متحدہ سے یاسین ملک کے لئے انصاف کا مطالبہ کردیا
اسلام آباد (قدرت روزنامہ)پاکستان کے سابق وزیراعظم عمران خان کی جانب سے اقوام متحدہ سے حریت رہنما یاسین ملک کے لئے انصاف کا مطالبہ کردیا گیا ہے۔
سماجی رابطے کی ویب سائٹ پر اپنے ایک پیغام میں چئیرمین پاکستان تحریک انصاف عمران خان کی جانب سے بھارتی حکومت کے فاشسٹ اقدامات کی شدید الفاظ میں مذمت کی ہے۔
فاشسٹ مودی سرکار کیجانب سےتہاڑجیل میں کشمیری رہنما یسٰین ملک کو پیہم تشدد کانشانہ بنانےاورانہیں بھوک ہڑتال پرمجبورکرنےکی شدیدمذمت کرتاہوں۔انکی زندگی نہایت خطرےمیں ہے۔ UNHCHR, UNSG اور انسانی حقوق کی عالمی تنظیموں سےمیری التماس ہےکہ 🇮🇳کیخلاف اقدام کریں اور یسٰین ملک کی جان بچائیں
— Imran Khan (@ImranKhanPTI) July 26, 2022
عمران خان نے کہا ہے کہ فاشسٹ مودی حکومت کی جانب سے یاسین ملک کو بھوک ہڑتال پر مجبور کیا جارہا ہے جو کہ قابل مذمت ہے۔
انہوں نے بتایا ہے کہ یاسین ملک کی جان خطرے میں ہے اور مطالبہ کیا کہ اقوام متحدہ اور بین الاقوامی انسانی حقوق کی تنظیمیں بھارت کیخلاف کارروائی کریں اور یاسین ملک کی جان بچائیں۔
Strongly condemn fascist Modi govt’s continuing torture of Kashmiri leader Yasin Malik in Tihar jail forcing him to go on hunger strike. His life is in extreme danger. I call on UNSG, UNHCHR & internatonal human rights orgs to take action against India & save Yasin Malik’s life.
— Imran Khan (@ImranKhanPTI) July 26, 2022
واضح رہے کہ جموں و کشمیر لبریشن فرنٹ کے سربراہ یاسین ملک پر عائد کردہ بے بنیاد و من گھڑت الزامات پر بھارتی عدالت نے انہیں عمر قید کی سزا سنادی ہے۔
مجموعی طور پر یاسین ملک کو دو مرتبہ عمر قید اور پانچ مرتبہ 10/10 سال قید کی سزائیں سنائی گئی ہیں جبکہ ان پر 10 ہزار روپے کا جرمانہ بھی عائد کیا گیا ہے۔