بار کونسلز کا سپریم کورٹ رولز میں ترمیم کا مطالبہ

اسلام آباد (قدرت روزنامہ)سپریم کورٹ بار ایسوسی ایشن سمیت بار کونسلز نے سپریم کورٹ رولز میں ترمیم کرنے کا مطالبہ کردیا۔مشترکہ اعلامیے میں کہا گیا کہ سپریم کورٹ کے دائرہ کار سے متعلق آئینی شقوں میں ترمیم کی جائے، چیف جسٹس کے کیس فکس کرنے اور بینچز بنانے کے اختیار کو ریگولیٹ کیا جائے۔
اعلامیے میں کہا گیا کہ بینچ بنانا پانچ سینئر ترین ججوں کی صوابدید ہونی چاہیے، نظرثانی اپیلیں سننے والا بینچ مرکزی کیس سننے والے بینچ سے مختلف ہونے کے لیے سپریم کورٹ رولز میں ترمیم کی جائے۔
بار کونسلز کے اعلامیے میں کہا گیا کہ وفاقی حکومت جسٹس قاضی فائز عیسیٰ کے خلاف کیوریٹیو ریویو فوری واپس لے، بار کونسلز کا کوئی ذاتی مفاد نہیں نہ وہ کسی ایک جماعت کے ساتھ ہیں۔