فن و ثقافت شوبز
گلوکارہ نمرہ مہر شدید تنقید کی زد میں
کراچی (قدرت روزنامہ)پاکستان شوبز انڈسٹری سے وابستہ اُبھرتی ہوئی گلوکارہ نمرہ مہر جو مختلف ٹی وی شوز میں گلوکاری کر کے اپنی آواز کا جادو چلاتی نظر آتی ہیں، ان دنوں انہیں لائیو شو میں صوفیانہ کلام پڑھنے پر شدید تنقید کا سامنا کرنا پڑ رہا ہے۔
نجی چینل پر لائیو شو کے دوران نمرہ مہر کی جانب سے کلام پڑھتے ہوئے غیر مؤدبانہ انداز اپنایا گیاجس کے بعد سوشل میڈیا پر انہیں شدید تنقید کا نشانہ بنایا جا رہا ہے ۔
View this post on Instagram
صارفین کی جانب سے کہا جا رہا ہے کہ یوں محسوس ہو رہا ہے کہ گلوکارہ کسی کانسرٹ میں گانا گا رہی ہوں، کلام پڑھتے وقت جو احترام ہونا چاہیئے وہ گلوکارہ کی جانب سے نظر نہیں آرہا۔
ایک صارف نے لکھا کہ پیمرا کو چینل اور گلوکارہ کے خلاف سخت ایکشن لینا چاہیئے اور شہرت کی خاطر مذہب کے نام پر ہونے والے ان شوز کی روایت کو ختم کرنا چاہیئے۔
