اداکارہ ریما نے عمرے کی سعادت حاصل کرلی
اسلام آباد (قدرت روزنامہ)پاکستان فلم انڈسٹری کی معروف اداکارہ ریما خان نے عُمرے کی سعادت حاصل کرلی . ماضی کی مقبول ترین اداکارہ ریما خان کی جانب سے 10 محرم الحرم کو اُن کے تصدیق شدہ انسٹاگرام اکاؤنٹ پر کچھ اسٹوریز شیئر کی گئیں .
ریما خان نے اپنی انسٹاگرام اسٹوریز میں عمرے کی سعادت حاصل کرنے کی کی چند تصویریں اور ویڈیوز مداحوں کے ساتھ شیئر کیں .
View this post on Instagram
تصویروں اور ویڈیوز میں ریما خان کو اُمتِ مسلمہ کے مقدس مقامات کی زیارت کرتے ہوئے دِکھایا گیا .
اس موقع پر ریما خان نے پاکستان اور اس ملک کے عوام کی ترقی کے لیے دُعا بھی کی . انسٹاگرام اسٹوری میں شیئر کردہ تصویروں میں ریما خان نے سیاہ چادر اور چہرے پر ماسک پہنا ہوا ہے .
واضح رہے کہ ریما خان نے سال 2011ء میں پاکستانی نژاد امریکی ڈاکٹر طارق شہاب کے ساتھ شادی کی تھی جس کے بعد وہ امریکا منتقل ہوگئی تھیں . اس جوڑے کا ایک بیٹا ہے، اس کے علاوہ ریما خان کو سال 2019ء میں حکومتِ پاکستان کی جانب سے تمغۂ حسن کارکردگی سے بھی نوازا گیا تھا .
