سُپر اسٹار سلمان خان نے بالی ووڈ میں اپنی کامیابی کا راز بتا دیا

ممبئی(قدرت روزنامہ) بالی ووڈ میں بھائی جان کے نام سے مشہور سپر اسٹار سلمان خان نے انکشاف کیا ہے کہ انہیں کس طرح شہرت اور کامیابی حاصل ہوئی . سلمان خان نے ایک حالیہ انٹرویو میں بتایا کہ ان کے کیرئیر کی ابتداء سے ہی انہیں شہرت حاصل ہوگئی تھی مگر ان کے شہرت یافتہ اور کامیاب ساتھی اداکاروں کو بےحد آسانی سے فلموں سے نکالا جارہا تھا اور ان کی جگہ کسی اور ہیرو کو سائن کیا جارہا تھا .

سلمان خان نے بتایا کہ یہ دیکھ کر احساس ہوا کہ انہیں ہر فلم میں بہترین اداکاری کرنا ہوگی ورنہ ان کی کامیابی بھی مستقل نہیں رہے گی .

For a rainy day …. pic.twitter.com/4UBJw0byOh

— Salman Khan (@BeingSalmanKhan) October 7, 2022

کسی کا بھائی کسی کی جان کے اداکار کا کہنا تھا کہ بس تب سے ہی میں نے سخت محنت شروع کر دی اور آج تک اپنی ہر فلم کیلئے سخت محنت کرتا ہوں .
سلمان کے مطابق کامیابی کا ‘فنڈا’ یہ ہے کہ اگر کوئی کامیاب نہیں ہوتا تو اسے محنت کرنے کی ضرورت ہے اور اگر کوئی کامیاب ہوتا ہے تو اسے سخت محنت کرنے کی ضرورت ہوتی ہے .
اداکار کا کہنا تھا کہ کامیابی کا راز یہ ہے کہ سخت محنت کا سلسلہ کامیابی حاصل کرنے کے بعد بھی رُکنا نہیں چاہیے . سلمان خان نے کہا کہ وہ خود کو خوش قسمت مانتے ہیں ایک وقت تھا کہ ان کی سب سے بڑی خواہش 10 لاکھ روپے کمانا تھی اور آج وہ اس سے بہت آگے نکل چکے ہیں .

Shoot wrapped! #KisikaBhaiKisikiJaan arrives #Eid2023 pic.twitter.com/STP2bQaWot

— Salman Khan (@BeingSalmanKhan) December 3, 2022

واضح رہے کہ سلمان خان نے اپنی اداکاری کا آغاز 1988 کی فلم ’بیوی ہو تو ایسی‘ سے کیا تھا اس فلم میں انہوں نے سپورٹنگ رول ادا کیا تھا .
یاد رہے کہ سلمان خان جلد اپنی ایکشن کامیڈی فلم کسی کا بھائی کسی کی جان میں جلوے بکھیرتے نظر آئیں گے، فلم 21 اپریل 2023 کو ریلیز کی جائے گی .