اذان کے احترام میں شہناز گل نے گانا روک دیا

ممبئی(قدرت روزنامہ)بگ باس 13 سے شہرت پانے والی شہناز گل نے مداحوں کے دل جیت لیے . گلوکارہ نے اذان کے احترام میں گانا روک دیا .

بھارتی پنجاب کی گلوکارہ شہناز گل نے حال ہی میں ہونے والی ایک ایوارڈ کی تقریب میں شرکت کی . شہناز کو اسٹیج پربلایا گیا اور انہیں ایوارڈ سے نوازا گیا .
میزبان نے شہناز سے گانے کی فرمائش کی ابھی شہناز نے گانا شروع ہی کیا تھا کہ اسی دوران اذان شروع ہوگئی . اذان کی آواز سنتے ہی شہناز نے گانا روک دیا، اوراحترام کے طور پر سرجھکا دیا .
اداکارہ کے رویئے کو دیکھتے ہوئے اسٹیج پر موجود دیگر افراد نے بھی خاموشی سے سر جھکا لیے . اور اذان ختم ہونے کا انتظار کرتے رہے . شہناز گل کے اس رویے کو سوشل میڈیا صارفین نے خوب سراہا ہے اور ان کی اس ویڈیو کو کئی بار شیئر کیا گیا ہے .