ازخود نوٹس پر قوم کی نظریں سپریم کورٹ پر ہیں، شیری رحمٰن

اسلام آباد (قدرت روزنامہ)وفاقی وزیر برائے ماحولیاتی تبدیلی سینیٹر شیری رحمٰن نے کہا ہے کہ پنجاب اور کے پی میں انتخابات سے متعلق ازخود نوٹس پر قوم کی نظریں سپریم کورٹ پر لگی ہیں۔
سماجی رابطے کی ویب سائٹ ٹوئٹر پر جاری کیے گئے بیان میں شیری رحمٰن نے کہا کہ ایک بار پھر معزز عدلیہ کو اپنا تقسیم شدہ اور متنازع تاثر زائل کرنے کی ضرورت ہے۔

ملک کے قانون دان، سیاسی جماعتیں اور عام شہری اس فیصلے کو متنازعہ اور آئین کو دوبارہ تحریر کرنے کے مترادف سمجھتے ہیں۔اس فیصلے کی وجہ سے ایک جماعت کو فائدہ ہوا اور عدالت میں تقسیم کھل کر سامنے آ گئی۔ایک بار پھر معزز عدلیہ کو اپنا تقسیم شدہ اور متنازعہ تاثر زائل کرنے کی ضرورت ہے۔3/3

— SenatorSherryRehman (@sherryrehman) February 27, 2023

انہوں نے کہا کہ عدلیہ اور بینچ کے اندر تقسیم نے پورے انصاف کے نظام پر سوالات اٹھا دیے ہیں، بینچ میں شامل ججز نے ہی ازخود نوٹس اور اسمبلیوں کی تحلیل پر اعتراضات اٹھا دیے۔

پنجاب اور خیبر پختون خواہ میں انتخابات کے حوالے سے ازخود نوٹس کے بعد قوم کی نظریں سپریم کورٹ پر لگی ہوئی ہیں۔ عدلیہ اور بینچ کے اندر تقسیم نے پورے انصاف کے نظام پر سوالات اٹھا دئے ہیں۔ بینچ میں شامل ججز ہی ازخود نوٹس اور اسمبلیوں کے تحلیل ہونے پر اعتراضات اٹھا دئے ہیں۔ 1/3

— SenatorSherryRehman (@sherryrehman) February 27, 2023

شیری رحمٰن کا کہنا ہے کہ حکومت میں شامل سیاسی جماعتیں فل کورٹ بینچ کی تشکیل کا جائز مطالبہ کر رہی ہیں، اعلیٰ عدالت فل کورٹ بینچ بنا کر عدلیہ میں تقسیم اور’ہم خیال بینچ‘ کا تاثر ختم کرے۔
پیپلز پارٹی کی رہنما نے کہا ہے کہ قانون دان، سیاسی جماعتیں اور عام شہری اس فیصلےکو متنازع سمجھتے ہیں، قانون دان، سیاسی جماعتیں اور عام شہری اسے آئین کو دوبارہ لکھنےکے مترادف سمجھتے ہیں۔
ان کا یہ بھی کہنا ہے کہ آرٹیکل 63 کی تشریح پر بھی فل کورٹ بینچ کے جائز مطالبے کو مسترد کیا گیا تھا، اس فیصلے کی وجہ سے ایک جماعت کو فائدہ ہوا اور عدالت میں تقسیم کھل کر سامنے آ گئی۔