ذکاء اشرف کی تقرری: وفاقی حکومت سمیت دیگر کو جوابات داخل کرانے کیلئے مہلت مل گئی

اسلام آباد (قدرت روزنامہ)پاکستان کرکٹ بورڈ (پی سی بی) مینجمنٹ کمیٹی کے چیئرمین ذکاء اشرف کی تقرری کے خلاف درخواست پر وفاقی حکومت سمیت دیگر کو جوابات داخل کرانے کے لیے ایک اور مہلت مل گئی۔
لاہور ہائیکورٹ کے جسٹس انوار حسین نے چیئرمین پی سی بی مینجمنٹ کمیٹی ذکاء اشرف کی تقرری کے خلاف درخواست پر سماعت کی۔
عدالت نے الیکشن کمیشن، وفاقی حکومت، وزارت بین الصوبائی امور اور ذکاء اشرف کو جوابات داخل کرانے کے لیے ایک اور مہلت دے دی۔
لاہور ہائیکورٹ نے درخواست پر سماعت 2 ہفتوں کے لیے ملتوی کر دی۔
وکیل درخواست گزار نے مؤقف اختیار کیا کہ ذکا اشرف سیاسی جماعت کے رہنما ہیں اور ان کو سیاسی بنیادوں پر چیئرمین پی سی بی مینجمنٹ کمیٹی لگایا گیا،عدالت ذکاء اشرف کی تقرری کالعدم قرار دے۔