پیپلز پارٹی نے پنجاب کے حکومتی امور میں حصہ مانگ لیا

لاہور (قدرت روزنامہ)پاکستان پیپلز پارٹی نے پنجاب کے حکومتی امور میں اپناحصہ مانگ لیا . ذرائع نے بتایا ہےکہ مسلم لیگ ن نے پنجاب میں اپنے نمبر پورے کر لیے، وہ کسی کی شراکت نہیں چاہتی ہے .

ذرائع کا کہنا ہے کہ پیپلز پارٹی وفاق کی طرح پنجاب میں بھی وزارتیں نہیں چاہتی، تاہم وہ پنجاب کے حکومتی امور میں بھرپور حصہ چاہتی ہے .
ذرائع کے مطابق پاکستان پیپلز پارٹی پنجاب کی بیورو کریسی تک رسائی چاہتی ہے . ذرائع کا مزید کہنا ہے کہ اس حوالے سے پیپلز پارٹی کا مؤقف ہے کہ وہ پالیسی سازی میں شامل ہو . ذرائع کا یہ بھی کہنا ہے کہ پیپلز پارٹی کا یہ مؤقف بھی ہے کہ پنجاب میں اسے ترقیاتی اسکیموں میں حصہ دیا جائے .