ایس آئی ایف سی کے تعاون سے ملک بھر میں کاروباری سہولت مراکز کے قیام کا فیصلہ

اسلام آباد (قدرت روزنامہ)خصوصی سرمایہ کاری سہولت کونسل کے تعاون سے حکومت نے چین کی طرز پردارالحکومت سمیت تمام صوبوں میں کاروباری سہولت مراکز قائم کرنے کا فیصلہ کیا ہے . وزیراعظم میاں شہبازشریف نے اپنے حالیہ دورہ چین سے واپسی پر چینی طرز کے کاروباری سہولت مراکزکے قیام کے احکامات جاری کردیے ہیں .

چینی ماڈل پر استوار ان کاروباری سہولت مراکزکے قیام کے لیے خصوصی سرمایہ کاری سہولت کونسل کی جانب سے سہولت فراہم کی جا رہی ہے . چین نے شینژن میں کاروباری سہولت مراکز قائم کیے ہیں، جن میں کاروباری لوگوں کو ایک ہی چھت کے نیچے کاروبار سے متعلق تمام خدمات اور سہولیات مہیا کی جاتی ہیں . پاکستان میں ان کاروباری سہولت مراکز کے قیام سے کاروباری حضرات کے ساتھ ساتھ مقامی اورغیرملکی سرمایہ کاروں کو تمام خدمات فراہم کی جائیں گی، جن میں این اوسیز، لائسنس، اور پرمٹ وغیرہ کا اجرا شامل ہیں ان مراکز کے ذریعے کاروبار کے آغاز اور اسے پ میں حائل رکاوٹیں ختم کرنے کے لیے متعلقہ حکومتی ایجنسیوں کو یکجا کر کے تمام دستاویزات کم وقت میں فراہم کیے جا سکیں گے . . .