نیب بلوچستان کی جانب سے شکایات کنندگان کیلئے کھلی کچہری کا انعقاد

نیب دفتر واقع ڈپٹی کمشنر آفس انسکمب روڈ کوئٹہ میں شکایات سنیں جائیں گے
کوئٹہ(قدرت روزنامہ)نیب بلوچستان کی جانب سےشکایات کنندگان کیلئے کھلی کچہری کا انعقاد کیا گیا ہے . نیب دفتر واقع ڈپٹی کمشنر آفس انسکمب روڈ کوئٹہ میں شکایات سنیں جائیں گے .

صوبہ بلوچستان میں بڑے مالی بد عنوانیوں کے خلاف شکایات کے اندراج کیلئے چیئرمین نیب کی ہدایات کے مطابق کھلی کچہری کا انعقاد ہر ماہ کی آخری جمعرات کو کیا جاتا ہے . جس میں ڈائریکٹر جنرل نیب بلوچستان شکایت کنندگان کو بذات خود سنتے ہیں . شکایات کنندگان کی آسان رسائی کیلئے اس ماہ کھلی کچہری کا انعقادمورخہ 25جولائی 2024 بوقت صبح 11:00 تا 01:00 بجے سہ پہرکو نیب کےدفتر شکایات واقع ڈپٹی کمشنر آفس انسکمب روڈ کوئٹہ میں کیا جائے گا درخواست کنندگان سے گزارش کی جاتی ہے کہ وہ تحریری شکایات میں مندرجہ ذیل معلومات لازماً مہیا کریں .
1 . نام بمعہ ولدیت
2 . کاپی قومی شناختی کارڈ
3 . مکمل پتہ / ایڈریس
4 . نشان انگوٹھا / دستخط
5 . رابطہ نمبر موبائل / گھر / ای میل
واضح کیا جاتا ہے کہ چیئرمین نیب کی ہدایات کے مطابق اب نیب گم نام/ فرضی شکایات پر کاروائی نہیں کرے گا . صرف ایسی مصدقہ شکایات جو نیب کے دائرہ کار پر پورا اُتر تی ہوں اُن پرقانون کے مطابق کاروائی کی جائے گی . ایسی شکایات پر کاروئی سے قبل شکایات کنندگان سے بیان حلفی اسٹامپ پیپر پر لیا جائے گا .
ہر خاص و عام کو مطلع کیا جاتا ہے کہ نیب میں شکایات مندرجہ ذیل طریقہ سے جمع کروائی جا سکتی ہیں .
1 . بذریعہ ڈاک/ بذات خود اندر نیب دفتر واقع شاہراہ گلستان روڈ کوئٹہ کینٹ
2 . بذریعہ ای میل ([email protected])
3 . بذریعہ ڈاک / بذات خوداندر نیب کے دفترشکایات واقع DCآفس انسکمب روڈ کوئٹہ
4 . بذریعہ کھلی کچہری ڈائریکٹر جنرل سے بالمشافہ ملاقات کے ذریعہ( ہر ماہ کی آخری جمعرات )
مزیدمعلومات کیلئےانچارج دفتر شکایات نیب بلوچستان کے فون نمبر:9203614 081- اور موبائل نمبرز0301-5553987: 0333-7822419 پر رابطہ کیا جا سکتا ہے .