ایس سی او اجلاس میں شریک مہمانوں کے استقبال کے لیے خصوصی گانا ’خوش آمدید‘ ریلیز

اسلام آباد (قدرت روزنامہ)شنگھائی تعاون تنظیم (ایس سی او) کے اسلام آباد میں ہونے والے 2 روزہ سربراہی اجلاس کے موقع پر سربراہان مملکت اور دیگر غیرملکی وفود اور مہمانوں کے استقبال کے لیے خصوصی گانا ریلیز کردیا گیا ہے . وزارت اطلاعات و نشریات کی جانب سے ریلیز کیے گئے گانے ’خوش آمدید‘ کو معروف گلوکار عمیر جسوال نے گایا ہے .

اس گانے کی شاعری اور ویڈیو میں پاکستانی ثقافت، روایات اور مہمان نوازی کو نہایت خوبصورت انداز سے نمایاں کیا گیا ہے . گانے کی ویڈیو میں ملک کی ترقی و خوشحالی کے جذبے سے سرشار مختلف شعبہ ہائے زندگی سے تعلق رکھنے والے محنتی پاکستانیوں کو بھی دکھایا گیا ہے . وزارت اطلاعات نے امید ظاہر کی ہے کہ ایس سی او اجلاس میں شرکت کے لیے آنے والے غیرملکی مہمانوں کو گانے ’خوش آمدید‘ کے ذریعے پاکستانی ثقافت کے بارے میں آگاہی حاصل ہوگی اور ان کے دلوں میں پاکستان کے لیے محبت کا جذبہ پروان چڑھے گا . . .