بلوچستان میں فائرنگ سے پیپلز پارٹی کے مقامی رہنما جاں بحق

نامعلوم مسلح افراد نے گاڑی پر فائرنگ کی، جس میں میر بشیر محمد حسنی موقع پر ہی جاں بحق ہو گئے
کوئٹہ (قدرت روزنامہ)بلوچستان میں فائرنگ سے پیپلز پارٹی کے مقامی رہنما جاں بحق ہو گئے۔
پولیس کے مطابق حب میں نامعلوم مسلح افراد نے فائرنگ کرکے سیاسی رہنما کو قتل کردیا، جن کی شناخت پیپلز پارٹی حب کے مقامی رہنما میر بشیر محمد حسنی کے طور پر ہوئی۔ نامعلوم افراد نے ان کی گاڑی پر فائرنگ کی، جس سے میر بشیر محمد حسنی موقع پر جاں بحق ہو گئے۔
اطلاع ملنے پر پولیس کی نفری جائے وقوع پر پہنچی اور لاش کو اسپتال منتقل کیا۔ دریں اثنا جائے وقوع سے شواہد اکٹھے کرکے اقعے کی تحقیقات شروع کردی گئی ہے۔