شہریار منور کی شادی کی تقریبات کا آغاز، ویڈیوز و تصاویر وائرل
اسلام آباد (قدرت روزنامہ)مقبول اداکار شہریار منور صدیقی اور اداکارہ ماہین صدیقی کی شادی کی تقریبات کا آغاز ہوگیا، جس کی ویڈیوز اور تصاویر سوشل میڈیا پر وائرل ہوگئیں۔
شہریار منور نے گزشتہ ماہ نومبر میں ایک انٹرویو میں بتایا تھا کہ وہ دسمبر کے اختتام تک شادی کے بندھن میں بندھ جائیں گے۔
اس سے قبل بھی انہوں نے متعدد انٹرویوز میں اپنا رشتہ طے ہونے کی تصدیق کی تھی جب کہ متعدد شوبز میڈیا پیجز نے بھی یہ خبر دی تھی کہ اداکار و اداکارہ دسمبر کے اختتام تک شادی کے بندھن میں بندھ جائیں گے۔
View this post on Instagram
اگرچہ شہریار منور نے دلہن کا نام بتائے بغیر بتایا تھا کہ وہ دسمبر کے اختتام تک شادی کے بندھن میں بندھ جائیں گے، تاہم ماہین صدیقی نے معاملے پر خاموشی اختیار کیے رکھی۔
View this post on Instagram
اب مختلف شوبز سوشل میڈیا پیجز کی جانب سے شہریار منور اور ماہین صدیقی کی شادی کی تصاویر اور ویڈیوز شیئر کرتے ہوئے دعویٰ کیا جا رہا ہے کہ ان کی شادی کی تقریبات شروع ہوگئیں۔
View this post on Instagram
متعدد شوبز شخصیات نے بھی تفصیلات فراہم کیے بغیر ہی تقریبات کی ویڈیوز اور تصاویر شیئر کیں، جن سے عندیہ ملتا ہے کہ شہریار منور اور ماہین صدیقی کی شادی کی تقریبات کا آغاز ہوچکا۔
View this post on Instagram
شہریار منور اور ماہین صدیقی نے خود شادی کی تقریبات کی تصاویر اور ویڈیوز شیئر نہیں کیں، تاہم ماہرہ خان، عاصم اظہر، مومل شیخ، عاصم رضا اور دیگر شخصیات نے انسٹاگرام اسٹوریز میں تقریبات کی ویڈیوز اور تصاویر شیئر کیں۔
View this post on Instagram
دونوں کی شادی کی تقریبات کی ویڈیوز اور تصاویر مختلف شوبز سوشل میڈیا پیجز کی جانب سے بھی شیئر کی گئیں، جہاں پر مداحوں اور شوبز شخصیات نے جوڑے کے لیے نیک خواہشات کا اظہار کیا۔
View this post on Instagram