شیخ رشید کی بریت کی درخواست مسترد کرنے کا تحریری فیصلہ جاری

لاہور(قدرت روزنامہ)لاہور ہائیکورٹ نے عوامی مسلم لیگ کے سربراہ شیخ رشید کی بریت کی درخواست مسترد کرنے کا تحریری فیصلہ جاری کردیا۔

نجی ٹی وی چینل دنیا نیوز کے مطابق جسٹس مرزا وقاص رؤف کی سربراہی میں 2رکنی بنچ نے تحریری فیصلہ جاری کیا، تحریری فیصلے میں کہا گیا ہے کہ عدالت نے 9مئی جی ایچ کیو حملہ کیس میں بریت کی درخواست خارج کی،درخواستگزار نے ابتدائی سٹیج پر بریت کی درخواست دائر کی،کیس میں ابھی گواہ آنا اور ٹرائل ہونا باقی ہے،گواہ اور شہادتوں کو دیکھنے کے بعد عدالت بریت سے متعلق فیصلہ کرتی ہے،فیصلے میں مزید کہا گیا ہے کہ عدالت اس سٹیج پر بریت کی درخواست مسترد کرتی ہے،ٹرائل سٹیج پر درخواستگزار کو بریت کی درخواست دائر کرنے میں آزادی ہوگی،عدالت اس سٹیج پر بریت کی درخواست مسترد کرتی ہے،ٹرائل سٹیج پر درخواست گزار کو بریت کی درخواست دائر کرنے میں آزادی ہو گی،بریت کی نئی درخواست پر عدالت قانون کے مطابق فیصلہ کرے گی، درخواستگزار کے مطابق اس کے خلاف سیاسی بنیادوں پر مقدمہ درج کیا گیا۔