مریم نفیس کی لندن سے نئی بولڈ ریل جاری، سوشل میڈیا صارفین پھٹ پڑے
کراچی(قدرت روزنامہ)معروف پاکستانی اداکارہ مریم نفیس نے سوشل میڈیا پر اپنی نئی اور بولڈ تصاویر جاری کی ہے جس کے بعد سوشل میڈیا صارفین کی جانب سے ان پر سخت تنقید کی جارہی ہے۔
مریم نفیس اند دنوں امید سے ہیں اور اپنے شوہر امان احمد کے ساتھ لندن میں چھٹیاں گزار رہی ہیں اور خوب انجوائے کررہی ہیں۔ انہوں نے حال ہی میں اپنے انسٹاگرام پر ایسے ہی خوبصورت لمحات پر مبنی اپنی تازہ ترین ریل شیئر کی ہے۔
ویڈیو میں دیکھا جاسکتا ہے کہ مریم نفیس کالے رنگ کا مغربی لباس زیب تن کیے لندن کے بازاروں اور دکانوں میں گھوم پھر رہی ہیں اور اپنے لیے میچنگ جیولری، جوتوں اور پرس کی خریداری کررہی ہیں۔
View this post on Instagram
ویڈیو کے آغاز میں مریم نفیس ’میری کرسمس‘ بولتی ہیں، جس سے ظاہر ہوتا ہے کہ وہ لندن میں کرسمس پارٹی کی تیاریاں کررہی ہیں، ویڈیو کا اختتام ہاتھوں میں تھامے 2 گلاسوں کے ٹکرانے پر ہوتا ہے۔
مریم نفیس کی اس ریل پر سوشل میڈیا صارفین نے انہیں کڑی تنقید کا نشانہ بنایا لیکن مریم نفیس نے بھی صارفین کی تنقید کا منہ توڑ جواب دیا۔
صارف علیزے چوہدری نے کمنٹ کیا، ’شیم آن یو (تمہیں شرم آنی چاہیے)، جس پر مریم نفیس نے جواب دیا، ’تمہیں بھی شرم آںی چاہیے، اتنی فارغ کیوں ہو، جاؤ کوئی کام کرو‘۔
صارف مہراب خان نے کہا، ’اگر آپ کرسمس کے اصل معنی جانتی تو آپ یہ الفاظ ادا نہ کرتیں اور نہ جشن مناتیں‘۔ اس کمنٹ پر مریم نفیس نے جواب دیا، ’بھیجنا ذرا اصل معنی گوگل کرکے‘۔
ایک صارف نے مریم نفیس کو مشورہ دیا، ’گھر بیٹھو، آرام کرو، اس حالت میں ایسے باہر نہیں جاتے‘۔ صارف طیبہ اسامہ نے کہا، ’دوران حمل ہیلز پہنی ہیں‘۔
ایک صارف نے لکھا، ’شراب مت پیو ورنہ پھر بچے چاہت فتح جیسے ہوں گے‘۔