پاکستانی اداکار عمر عالم نے دوران پرواز جہاز میں لڑکی کو شادی کی پیشکش کر دی، ویڈیو وائرل
کراچی (قدرت روزنامہ) پاکستانی اداکار و رئیلٹی شو ’تماشہ‘ سیزن 1 کے ونر عمر عالم کو ان کی محبت مل گئی، پرواز کے دوران اپنی محبوبہ کو پروپوز کیا جس کی ویڈیو سوشل میڈیا پر وائرل ہو گئی۔
اداکار نے فوٹو اینڈ ویڈیو شیئرنگ پلیٹ فارم انسٹاگرام پر ویڈیو شیئر کی ہے۔مذکورہ ویڈیو میں دیکھا جا سکتا ہے کہ انہوں نے دورانِ پرواز بھرے ہوئے جہاز میں اپنی محبوبہ سے اظہارِ محبت کرتے ہوئے خوبصورت و رومانوی انداز میں انگوٹھی پیش کرتے ہوئے شادی کے لیے انہیں پروپوز کیا ہے۔
انسٹا پوسٹ کے کیپشن میں انہوں نے لکھا کہ ’اس نے ہاں کہہ دی، اب یہ آفیشل ہو گیا ہے‘۔
View this post on Instagram
اداکار کی جانب سے شیئر کی گئی ویڈیو کے کمنٹس میں تبصرہ کرتے ہوئے ساتھیں فنکاروں اور مداحوں نے اس جوڑی کو زندگی کے اس خاص موقع پر مبارک باد پیش کی اور ان کی آنے والی زندگی کے لیے نیک خواہشات کا اظہار بھی کیا ہے۔
خیال رہے کہ سیالکوٹ سے تعلق رکھنے والے اداکار عمر عالم شوبز انڈسٹری کا ابھرتا ہوا نام ہیں۔
انہوں نے رئیلٹی شو ’تماشہ‘ سیزن 1 سے شہرت حاصل کی جبکہ ان کے مشہور ڈراموں میں پہلی سی محبت، رقصِ بسمل، گُرو سمیت دیگر شامل ہیں۔
عمر عالم نے فیچر فلم پرچی اور کرائم تھرلر ٹکسالی گیٹ میں بھی اداکاری کے جوہر دکھائے ہیں۔