عمر ایوب کے گھر “مشکوک میٹنگ”، ماسک پہن کرکس شخصیت نے شرکت کی ۔۔۔؟ سینیٹرفیصل واوڈا نے تہلکہ خیز انکشاف کر دیا

اسلام آباد ( قدرت روزنامہ ) اپوزیشن لیڈر عمر ایوب کے گھر “مشکوک میٹنگ میں کس شخصیت نے ماسک پہن کرکس شرکت کی ۔۔۔؟ اس حوالے سے سینیٹر فیصل واوڈا نے تہلکہ خیز انکشاف کیا ہے ۔
“جیو نیوز” کے پروگرام” کیپٹل ٹاک” میں گفتگو کے دوران سینیٹر فیصل واوڈا نے اپوزیشن لیڈر عمر ایوب کے گھر پر ہونے والی مشکوک میٹنگ میں سابق ڈائریکٹر آئی ایس آئی جنرل (ر) فیض حمید کے آنے کا انکشاف کیا ہے۔

سینیٹر فیصل واوڈا کا کہنا تھا کہ فیض حمید کی ایک مشکوک میٹنگ تھی ماسک پہن کرآئے تھے وہ عمر ایوب کے گھر پر ہوئی۔عمر ایوب کا تعلق ملک کی 5 سیاسی جماعتوں سے رہ چکا ہے، یہ تمام ہی جماعتوں میں ایسے ڈرامے کرتے رہے ہیں۔ عمر ایوب ڈرامے بازی کے بعد سب سے زیادہ بوٹ پالشنگ والے آدمی ہیں، اپوزیشن لیڈر 200 فیصد کمپرومائزڈ ہیں۔

سینیٹر فیصل واوڈا کا یہ بھی کہنا تھا کہ بیرسٹر محمد علی سیف، علی محمد، شیر افضل مروت اور شوکت یوسفزئی یہ سارے بانی پی ٹی آئی کی جان سے نہیں کھیلنا چاہتے ۔