فری عمرے پر جانے والی خاتون سعودی ایئرپورٹ پر گرفتار
ہری پور (قدرت روزنامہ )فری عمرے پر جانے والی ہری پور کی خاتون کو سعودی عرب کے ایئرپورٹ پر گرفتار کرلیا گیا۔
نجی ٹی وی ایکسپریس نیوز نے ذرائع کے حوالے سے بتایا کہ فری عمرے پر جانے والی غازی صوبڑا سٹی کی رہائشی خاتون کو خشک فروٹ کے پارسل میں 6 کلو منشیات دھوکے سے تھما دی گئی تھیں۔ خاتون کو مفت عمرے کے نام پر ایک مقامی شخص نے بھیجا تھا۔
خاتون کو سعودی ایئرپورٹ پر ریسیو کرنے والے ان کے بھائی کو بھی گرفتار کرلیا گیا ہے۔