اداکارہ ماورا حسین شادی کے بندھن میں بندھ گئیں، دولہا کون ہے؟
لاہور (قدرت روزنامہ) معروف پاکستانی اداکارہ ماورا حسین شادی کے بندھن میں بندھ گئیں۔ انہوں نے اپنے دیرینہ دوست اداکار امیر گیلانی سے شادی کی ہے۔ماورا حسین نے انسٹاگرام پر اپنی شادی کی تصاویر شیئر کی ہیں۔ اداکار جوڑے کی شادی کی یہ تصاویر لاہور کے شاہی قلعے میں لی گئی ہیں۔ تصاویر کے کیپشن میں ماورا نے لکھا ” اور تمام افراتفری کے درمیان میں نے آپ کو پالیا۔” ماورا نے اپنی پوسٹ میں آج کی تاریخ لکھتے ہوئے کہا “ماورا امیر ہوگئی” کا ہیش ٹیگ بھی استعمال کیا۔
View this post on Instagram
خیال رہے کہ ماضی میں ماورا حسین نے ایک انٹرویو میں کہا تھا کہ امیر گیلانی ایک زبردست انسان ہیں ، وہ دونوں بہت گہرے دوست ہیں اور اگر دو دوست آپس میں شادی کرنا چاہیں تو شادی بھی کر سکتے ہیں۔ یہ جوڑی صرف آن سکرین ہی نہیں بلکہ آف سکرین بھی اکثر و بیشتر تقریبات میں ایک ساتھ دکھائی دیتی ہے، یہ دونوں کلاس فیلوز بھی رہ چکے ہیں۔