فی تولہ سونا 3 لاکھ روپے کے قریب پہنچ گیا
کراچی (قدرت روزنامہ) پاکستان میں سونے کی قیمت نے اگلے پچھلے تمام ریکارڈ توڑ دیے، تاریخ میں پہلی بار تین لاکھ روپے تولہ کے قریب پہنچ گیا۔
آل پاکستان جیمز اینڈ جیولرز ایسوسی ایشن کے مطابق آج ملک میں فی تولہ سونے کی قیمت میں پانچ ہزار 300 روپے کا اضافہ ہوا۔ اس بڑے اضافے کے بعد فی تولہ سونے کی قیمت دو لاکھ 99 ہزار 600 روپے کی بلند ترین سطح پر پہنچ گئی ہے۔ خیال رہے کہ گزشتہ روز سونے کی قیمت میں 1900 روپے کا اضافہ ہوا تھا۔ عالمی سطح پر سونے کی قیمت میں اضافے کی وجہ سے پاکستان میں بھی سونا آئے روز مہنگا ہوتا جا رہا ہے۔ عالمی منڈی میں سونے کی فی اونس قیمت 53 ڈالر بڑھی ہے جس کے بعد اس کی قیمت 2863 ڈالر فی اونس ہوگئی۔