آلودگی کے خاتمے کے لئے پنجاب حکومت اقدامات کر رہی ہے: مریم اورنگزیب
لاہور ( قدرت روزنامہ) سینئر صوبائی وزیر مریم اورنگزیب نے کہا ہے کہ آلودگی کے خاتمے کے لئے پنجاب حکومت اقدامات کر رہی ہے،پلاسٹک کے استعمال کا خاتمہ یقینی بنایا جا رہا ہے، مختلف روٹس پر الیکٹرک بسیں چلائی جا رہی ہیں۔
نجی ٹی وی دنیا نیوز کے مطابق ماحولیاتی کانفرنس سے ویڈیو لنک خطاب میں سینئر صوبائی وزیر مریم اورنگزیب نے کہا کہ طلبہ کو ای بائیکس کی فراہمی کے لئے اقدامات کر رہے ہیں، آلودگی کے خاتمے کے لئے پنجاب حکومت اقدامات کر رہی ہے۔
مریم اورنگزیب نے کہا کہ عوام کی آگاہی کے لئے بھی مہم چلائی جا رہی ہے، سموگ کے خاتمے کے لئے حکومت تمام وسائل بروئے کار لا رہی ہے۔
سینئر صوبائی وزیر نے کہا کہ ایئرکوالٹی موبائل مانیٹرز پنجاب میں لائے جا رہے ہیں، فصلوں کی باقیات جلانے سے متعلق بھارت کے ساتھ معاملہ اٹھایا ہے۔