یوٹیلیٹی سٹورز پرچینی 5 روپے فی کلو مزید مہنگی
اسلام آباد (قدرت روزنامہ)یوٹیلیٹی سٹورز پر چینی کی قیمت میں پانچ روپے فی کلو کا مزید اضافہ ہوگیا، جس کے بعد قیمت 145 روپے سے بڑھا کر 150 روپے فی کلو ہوگئی۔
تفصیلات کے مطابق یوٹیلیٹی سٹورز پر چینی کی قیمت میں 5 روپے فی کلو کا مزید اضافہ کردیا گیا، ذرائع نے بتایا کہ سٹورز پر قیمت 145روپے سے بڑھا کر150 روپےفی کلو کردی گئی ہے۔
ذرائع کا کہنا تھا کہ حالیہ دنوں میں بھی سٹورز پر قیمت میں5 روپے فی کلو اضافہ کیا گیا تھا، ڈیڑھ ہفتے میں مجموعی طور پر شوگر 10 روپے فی کلو مہنگی کی گئی۔
ذرائع یوایس سی نے کہا کہ سٹورز پر ڈیڑھ ہفتے قبل شوگر کی قیمت140 روپے فی کلو مقرر تھی تاہم اوپن مارکیٹ میں قیمتیں مزید بڑھنے کے باعث شوگر 10 کی قیمت میں اضافہ کیا لیکن مزید اضافے کے باوجود سٹورز پر شوگر اوپن مارکیٹ سے سستی ہے۔
خیال رہے وفاقی حکومت نے اگست 2024 میں چینی سمیت 5 بنیادی اشیا پر سبسڈی روک دی تھی۔