ایاز صادق نے پی ٹی آئی کو مذاکرات کی کوئی دعوت نہیں دی تھی: ترجمان قومی اسمبلی
اسلام آباد ( قدرت روزنامہ ) سپیکر قومی اسمبلی سردار ایاز صادق کی جانب سے اپوزیشن لیڈر عمر ایوب کی طرف سے مذاکرات کی دعوت مسترد کرنے پر ردعمل سامنے آگیا۔
نجی ٹی وی دنیا نیوز کے مطابق ترجمان قومی اسمبلی نے کہا کہ سپیکر سردار ایاز صادق نے تحریک انصاف کو مذاکرات کی کوئی دعوت نہیں دی تھی، سپیکر قومی اسمبلی نے صرف یہ کہا تھا کہ ان کے دروازے ہر کسی کے لئے کھلے ہیں۔
قومی اسمبلی کے ترجمان نے کہا کہ مذاکرات کی باضابطہ دعوت تب دی جائے گی جب حکومت یا اپوزیشن کی جانب سے انہیں خود درخواست کی جائے گی۔
ترجمان قومی اسمبلی نے کہا کہ سپیکر قومی اسمبلی کا کردار بھی یہی ہے اور انہوں نے اپنی پوزیشن کلیئر کی تھی، انہوں نے کہا کہ سپیکر قومی اسمبلی کے چیمبر اور گھر کے دروازے کسی بھی رکن کے لئے کھلے ہیں۔