پشاور: فلیٹ سے معروف خاتون ٹک ٹاکر کی لاش برآمد
پشاور(قدرت روزنامہ)پشاور کے علاقے تھانہ مچنی گیٹ کی حدود ورسک روڈ پر فلیٹ سے خاتون کی لاش ملی ہے،پولیس نے بتایا کہ خاتون کی شناخت ارباب کےنام سے ہوئی ہے۔
خاتون ٹک ٹاکر کی ہلاکت سے مختلف خدشات ظاہر کیے جارہے ہیں تاہم پولیس نے گھر سے اہم شواہد اکٹھے کرکے انکوائری شروع کردی ہے۔
پولیس کا کہنا تھا کہ خاتون کی لاش کو پوسٹ مارٹم کیلئے بھجوا دیا گیا ہے ، ابتدائی تحقیقات کے مطابق خاتون کی موت نشہ آور اشیا کے باعث ہوئی۔
تھانہ میانی گیٹ کو دیے گئے ایک بیان میں اسلام آباد کے رہائشی محمد یاسین نے بتایا کہ ان کی بہن سیما گل جسے سائکو ارباب کے نام سے جانا جاتا ہے، ایک مشہور ٹک ٹوکر تھی۔
پولیس نے تصدیق کی کہ انہوں نے گھر سے اہم شواہد اکٹھے کر لیے ہیں اور پوسٹ مارٹم رپورٹ کا انتظار کر رہے ہیں جس سے موت کی وجہ واضح ہو جائے گی۔
واضح رہے کہ متوفیہ ٹک ٹاک ویڈیوز بنا تی تھی جس کے کئی ویڈیوز بھی سوشل میڈیا پر موجود ہیں۔