اداکارہ نرگس فخری شادی کے بندھن میں بندھ گئیں

نیو یارک(قدرت روزنامہ)اداکارہ نرگس فخری اپنے دوست اور کاروباری شخصیت ٹونی بیگ کے ساتھ شادی کے بندھن میں بندھ گئیں۔

بھارتی میڈیا کے مطابق شادی کی یہ تقریب حال ہی میں لاس اینجلس کے ایک فائیو سٹار ہوٹل میں ہوئی۔جس میں صرف قریبی اور مخصوص لوگوں نے شرکت کی تھی۔ کسی کو بھی تصاویر بنانے کی اجازت نہیں دی گئی تھی۔شادی کے بعد جوڑا ہنی مون منانے سوئٹزرلینڈ چلا گیا تاہم اب تک نرگس فخری اور ان کے دوست ٹونی بیگ نے شادی کی تصدیق یا تردید نہیں کی ہے۔

خیال رہے کہ اداکارہ نرگس اور ٹونی بیگ کی پہلی ملاقات 2022 ءمیں ہوئی تھی اور پھر دونوں کے درمیان قربتیں بڑھتی گئیں۔ نرگس فخری کے والد پاکستانی اور والدہ جمہوریہ چیک سے تعلق رکھتی ہیں جب کہ اداکارہ کی پیدائش امریکہ میں ہوئی تھی۔نرگس فخری نے بالی ووڈ میں فلم” راک سٹار” کے ذریعے قدم رکھا تھا۔ جس میں ان کے مدمقابل ہیرو رنبیر کپور تھے۔ٹونی بیگ کشمیری نژاد امریکی ہیں جو اس وقت لاس اینجلس میں مقیم ہیں۔