بھارتی اداکارہ جس نے 3 سال میں 3 ہزار کروڑ بھارتی روپے کمالئے

ممبئی (قدرت روزنامہ ) بھارتی فلم انڈسٹری میں دھماکے دار انٹری کرنے والی 28 سالہ اداکارہ نے 2023 سے 2025 کے دوران سب سے زیادہ کمائی کرکے نامور اداکاراﺅں کو بہت پیچھے چھوڑ دیا۔
نجی ٹی وی ایکسپریس نیوز نے بھارتی میڈیا کے حوالے سے بتایا کہ مسلسل تین برسوں میں شاندار کامیابیاں بٹورنے والی اداکارہ پریانکا چوپڑا یا دیپیکا پڈوکون نہیں بلکہ کوئی اور ہیں۔اپنی چنچل اداکاری سے مداحوں کے دلوں میں گھر کرنے والی اس ہیروئن نے 2023 میں فلم اینیمل کی چھپر پھاڑ کامیابی حاصل کی۔
اگلے ہی برس ان کی فلم پشپا نے اگلے پچھلے تمام ہی ریکارڈ توڑ ڈالے اور ایسی کامیاب فلم دی جس نے ہر پلیٹ فارم پر یکساں راج کیا۔اداکارہ کی یہ کامیابیاں اس مقام پر رکی نہیں بلکہ رواں برس ان کی فلم چھاوا نے سب کو پیچھے چھوڑ دیا۔
اس طرح مسلسل تین سال تک سپر ہٹ فلمیں دینے والی اداکارہ رشمیکا منڈنا نے ساﺅتھ انڈین سمیت ممبئی کے سینماﺅں میں بھی ہلچل مچا دی۔رشمیکا کے ساتھ کام کے خواہش مند فلم پروڈیوسرز کی قطار لگ گئی ہے اور سب کی یہی خواہش ہے کہ کسی طرح اداکارہ کو سائن کرلیں۔
فلم ساز اور ہدایت کار رشمیکا منڈنا کو قسمت کی دیوی ماننے لگ گئے ہیں وہ جس پر مہربان ہوجائیں اس کے بھاگ جاگ اٹھتے ہیں۔